الدجاج بالمشماش والبرقوق

كيلو الدجاج
معلقة صغيرة ابزار
معلقة صغيرة ملح
معلقة صغيرة سكنجبير
شوية زعفران
4 ضروس تومةمدقوقة
3 بصلات
القزبر والمعدنوس مربطين
شوية سمن
كاس زيت العادية و االبلدية مخلطين
زعفران شعرة
و شوية القرفة
رابعة مشماش والبرقوق

ناخدو الدجاج نرقدو في المقادير ديالنا مدة 20 دقيقة مع كاس ديال الماء ونديرو من بعد طنجرة فوق العافية فاش كات غلا الطنجرة عاد نزيدو زيت والبصلة مشلضة غليضة والربيع ثم الماء  القياس لي اطيب لينا الدجاج  على نار مهيلة فاش اطيب نزيل قبطة الربيع ونضيف معلقة سكر كلاصي للمرق ونقصو عليه العافية حتى تختار المرقة
ناخدو المشماش نزيدو ليه نصف لتر ماء نخليوه اطيب مدة 30 دقيقة من بعد نصفيو ونزيدو عليه 3 معالق صلصة المرق و القرفة و السكر ونخليوه على نار مهيلة حتى اتعسل وزيدو عليه شوية ماء زهر و الكركاع لمدة 30 دقيقة اخرى ونطفيو عليه ونفس الطريقة بالنسبة للبرقوق
ناخد الطاجين نستفو فيه قطع الدجاج والمرق ،و المشماش  ونضع البرقوق ايضا بطريقة منظمة ويقدم بالصحة و الراحة